Əgər gəlirin aşağıdırsa, səmərəli maliyyə idarə etməyi öyrənmək və maliyyə vəziyyətini yaxşılaşdırmaq üçün yeni imkanlar axtarmaq vacibdir. Aşağı gəlir stress və qeyri-müəyyənliyin mənbəyi ola bilər. Buna baxmayaraq, məhdud vəsaitlə belə maliyyə sabitliyinə və gələcəyə inama nail olmaq mümkündür. Bu, diqqətli planlaşdırma, qənaət etmək və gəlirləri artırmaq üçün daimi imkanlar axtarmağı tələb edir. Gəl aşağı gəlirlə necə mübarizə aparmaq və həyat keyfiyyətini yaxşılaşdırmaq üçün bir neçə praktik məsləhəti nəzərdən keçirək.

Büdcə hazırlayıb ona riayət et

Maliyyə vəsaitlərini idarə etmək istiqamətində ilk addım büdcənin hazırlanmasıdır. Büdcə pulun hara getdiyini və hansı xərclərin azalda biləcəyini başa düşməkdə sənə kömək edir. Gəlir və xərclərin haqda aydın təsəvvürün olması sənə maliyyə vəziyyətinə nəzarət etmək və əsaslı qərarlar qəbul etməyə imkan verir.

50/30/20 qaydasından istifadə et: Bu məşhur büdcənin bölüşdürülməsi üsuluna görə, gəlirin 50%-nı zəruri xərclərə, 30%-nı əlavə xərclərə, 20%-nı isə kənara qoymaq lazımdır. Bu qayda büdcəni tarazlaşdırmağa və maliyyə sabitliyini təmin etməyə kömək edəcək.

Lazımsız xərcləri azald

Gəlirin məhduddursa, lazımsız xərclərin azaldılması sənin maliyyə vəziyyətini kifayət qədər yaxşılaşdıra bilər. Pula qənaət etmək və maliyyə vəsaitlərini daha yaxşı idarə etmək üçün bir neçə tövsiyəni nəzərdən keçirək.

Serverlərdə abunəliklərini gözdən keçir:
Bütün abunəliklərini yoxla. Sənə lazım olmayan abunəlikləri ləğv et və ya pulsuz alternativlərdən istifadə et. Bu, sənə həyat keyfiyyətini aşağı salmadan aylıq xərclərini azaltmağa kömək edəcək.

Evdə yemək bişir:
Yeməyi evdə bişirməyə çalış. Bu yalnız pula qənaət baxımından deyil, həm də sağlamlıq baxımından faydalıdır, çünki sən hansı inqrediyentlərdən istifadə etdiyinə və hansı porsiyada yemək yediyin əulsiv alış-verişlərdən qaçınmaq üçün ərzaq məhsullarını siyahı üzrə alın.

İctimai nəqliyyatdan istifadə et və ya piyada gəz:
Lazımsız alış-verişlərdən qaç: Bir şeyi almazdan öncə onun sənə doğrudan da lazım olub-olmadığı haqqında düşün. İmpulsiv alış-verişlərdən imtina et və lazımsız xərclərdən qaçınmağa çalış.

Müsahibədən öncə nəyi hesablamaq lazımdır?

Bəzən özünün əmək haqqı gözləntiləri ola bilər və əmək bazarının nə təklif etdiyi o qədər də vacib olmaya bilər. İşəgötürənlə görüşdən öncə üç rəqəmi müəyyən etməlisən.

1. Qarşılığında işləməyə razı olduğun minimal məbləğ.
2. Sənə uyğun ortalama əmək haqqı: sənin hal-hazırda aldığın və qarşılığında daha maraqlı tapşırıqların olduğu və ya ofisinin daha rahat yerdə yerləşdiyi üçün digər iş yerinə keçməyə razı olduğun əmək haqqı.
3. Almaq istədiyin maksimal əmək haqqı. Vəzifəni bəyənirsən, amma şirkəti bəyənmirsən, və ya sənin yaxşı bacardığınız çoxlu öhdəliklər daxildir. O zaman daha yüksək məbləğ istəyə bilərsiniz. Pul haqqında kiminlə danışdığını və hansı vakansiyanı müzakirə etdiyini bilmək vacibdir – hətta bu ilk telefon danışığınızdırsa və sizə hansı şirkətdən hansı iş təklifi ilə bağlı müraciət etdiyini bilmirsinizsə, fasilə götürün.

Qənaət etməyin yollarını tap

Gəlirin aşağıdırsa, gündəlik xərclərə qənaət etmək sənin üçün çox faydalı ola bilər. Gündəlik vərdişlərində kiçik dəyişikliklər edərək və qənaət üçün imkanlardan istifadə edərək maliyyə vəziyyətini əhəmiyyətli dərəcədə yaxşılaşdıra bilərsən. Aşağıda pula qənaət etməyin bir neçə yolunu paylaşırıq:

• Marketlərdə kampaniya və endirimlərdən istifadə et
• Məhsulları topdan al
• Mağazaların kuponları və loyallıq proqramlarından istifadə et

Gəlirini artır

Xərclərin azaldılması ilə yanaşı gəlirinin də artırılması üçün imkanlar axtar. Buna dair bir neçə tövsiyəni səninlə paylaşırıq:

• Əlavə qazanc: Əlavə yarım ştat və ya frilans iş tap. Kuryer, repetitor kimi işləyə, və ya sahən üzrə frilans iş götürə bilərsən
• Lazımsız əşyaların satışı: Artıq istifadə etmədiyin əşyaları onlayn platformalar vasitəsilə sat. Evdə çox vaxt satılıb əlavə gəlir gətirə biləcək kifayət qədər lazımsız əşyalar olur.
• Təlimlər və ixtisasartırma: Gələcəkdə daha yaxşı əmək haqqı ilə iş tapmaq üçün təhsilinə və bacarıqlarına investisiya et.

Maliyyə məqsədləri qoy

Maliyyə məqsədlərinin təyin edilməsi sənə fokuslanmağa kömək edəcək və motivasiya verəcək. Dəqiq məqsədlərin olması maliyyə vasitələrini daha effektiv idarə etmək və arzuladığın nəticəni əldə etmək imkanı verir. Aşağıda maliyyə məqsədlərinə dair bir neçə misal verilmişdir:

• Fövqəladə vəziyyətlər üçün fond yarat: Gözlənilməz xərclər maliyyə vəziyyətinə əhəmiyyətli dərəcədə təsir edə bilər, ona görə də maliyyə təhlükəsizliyi yastığının olması vacibdir.
• Böyük alış-verişlər və ya tətillər üçün əvvəlcədən pul yığ: Böyük alış-verişlərin və ya tətillərin əvvəlcədən planlaşdırılması kredit götürmək və ya yığdığın bütün pulu xərcləməkdən qaçınaraq tədricən pul yığmağa imkan verir. Hansı məbləğə ehtiyacınız olduğunu müəyyənləşdir və bu məqsədə çatmaq üçün konkret vaxt çərçivəsi təyin et. Bu, avtomobilin, yeni kompüter alınması, evin təmir edilməsi və ya tətilin planlaşdırılması ola bilər. Məbləği aylıq hissələrə böl və plana riayət et.

Aşağı gəlirlə hər şeyə pul çatdırmaq çətin ola bilər, lakin düzgün yanaşma və planlaşdırma ilə bu mümkündür. Büdcənin hazırlanması, lazımsız xərclərin azaldılması, əlavə gəlir mənbələrinin tapılması və maliyyə məqsədlərinin müəyyən edilməsi maliyyə vəziyyətini yaxşılaşdırmağa və özünü daha özgüvənli hiss etməyə kömək edəcək. Unutma ki, maliyyə vəziyyətini yaxşılaşdırmaq üçün atdığın hər addımla sən daha sabit və rahat gələcəyə doğru addımlayırsan. Səbirli və israrlı olmaq vacibdir, çünki kiçik dəyişikliklər belə zamanla əhəmiyyətli nəticələrə gətirə bilər. Kiçik addımlardan başlayaraq və yuxarıdakı məsləhətlərə əməl edərək, sabitliyin və gələcəyə inamın təməlini qoya bilərsən.